les noticies

Hemeroteca

Busca en los contenidos de la web

LN Edición dixital - Vienres, 29 d'agostu de 2008

Gabino de Lorenzo anuncia qu'en cinco díes écha-y el pieslle a Radio Vetusta

COMUNICACIÓN

Gabino de Lorenzo anuncia qu'en cinco díes écha-y el pieslle a Radio Vetusta

L'equipu de gobiernu del Conceyu d'Uviéu dedició echa-y el pieslle a Radio Vetusta, una emisora municipal que venía emitiendo dende 1995. El conceyal d'Economía, Agustín Iglesias Caunedo, xustifica la decisión pola escasa audiencia de la emisora y pol so coste, unos 250.000 euros anuales (unos 41 millones de pesetes). Esta midida afecta a ocho profesionales de la información y técnicos, anque tolos trabayadores emprestaben los sos servicios como autónomos baxo la fórmula d'asistencies técniques.
más
UNA refuga la decisión del pieslle de Radio Vetusta y compara la situación cola de Radio Sele

POLÍTICA

UNA refuga la decisión del pieslle de Radio Vetusta y compara la situación cola de Radio Sele

Unidá Nacionalista Asturiana fixo públicu'l so rechazu al pieslle de la emisora municipal Radio Sele de parte del Conceyu d'Uviéu gobernáu pol PP. "Dende UNA nun podemos más qu'estrañanos de que, baxo l'argumentu d'aforrar gastos nun conceyu caracterizáu pol despilfarru, se despida a los trabayadores del mediu audiovisual y se pieslle, amás, ún de los sitios de formación de decenes  de locutores asturianos, anulando un centru formativu d'altu valor", señaló una UNA convencida, otra manera, de que se trata "d'un golpe más a la llibertá d'espresión".
más

MUNICIPAL

Xixón va editar 5.000 exemplares del mapa de Samartín de Güerces y Llorío

El conceyal de la Zona Rural de Xixón, Faustino García, ta acabante presentar el mapa y el caleyeru de les parroquies de Samartín de Güerces y Llorío, del que s'editaron 5.000 exemplares que se van distribuir ente los vecinos de la zona y servicios públicos como policía, bomberos, ambulancies o taxistes. El mapa recueye la toponimia oficial n'asturianu aprobada pol plenu del Conceyu y pol Gobiernu d'Asturies.
más
ANA pide un estudiu nuevu sobre la embotelladora de Somiedu

MEDIU AMBIENTE

ANA pide un estudiu nuevu sobre la embotelladora de Somiedu

L'Asociación de la Naturaleza Asturiana (ANA) ta acabante presentar delles alegaciones a les normes subsidiaries del Conceyu de Somiedu que permiten la instalación d'una planta depuradora en Somiedu. Los ecoloxistes consideren que la información pública del proyectu resulta «sumamente confusa» y dexa abierta la puerta a la mezcla d'usos industriales, a lo que s'opón «rutundamente» l'asociación ecoloxista. Nesti sen, los ecoloxistes sorrayen que'l cambiu de xestión y el modelu económicu que se quier introducir nesti conceyu suroccidental «amenaza con estrozar tolo que se consiguió nos últimos venti años».
más
Paco Ramos: «N'Asturies, el problema del cambiu climáticu ponse en segundu planu»

MEDIU AMBIENTE

Paco Ramos: «N'Asturies, el problema del cambiu climáticu ponse en segundu planu»

Cola arribada a Xixón del barcu Diosa Maat, d'Ecoloxistes n'Aición, esti colectivu entama n'Asturies una campaña, «¡Nun queremos naufragar!», pa concienciar a la ciudadanía de los impactos del cambiu climáticu nel litoral. Esta campaña va facese ente los díes 27 y 28 d'agostu y va incluir, ente otres actividaes, la proyección d'un documental, el montaxe d'una exposición, el repartu d'información y la celebración de xuegos, amás d'una serie d'acciones demostratives.
más
Berlusca

OPINIÓN. ALEJANDRA SIRVENT

Berlusca

¿Por qué falar de Sarkozy pudiendo facelo de Berlusconi, sinceramente? Cuando escribe una prioriza. Puede entamar a escribir una columna sobre los archivos perdíos pol Gobiernu británicu o sobre la fobia a una llingua o sobre la especulación que destrúi Asturies, pero métese-y pel mediu un diañu, y tuérce-y los renglones, y una atópase pensando nun dandi reveníu y pomposu, que debe d'usar una loción solar asgaya pegañosa, porque eso de dir redoláu de tíes cuando acostumbres a pintate'l pelu con brocha gorda y tienes una cara que recuerda a la d'una tía segunda en plena menopausia, nun s'entiende d'otru modu, ¿o sí? Pero la cuestión ye que'l dandi agravia a un Gobiernu estranxeru que tien un importante númberu de muyeres en nómina, persigue inmigrantes como quien va de caza y, según acabamos de saber, quier reformar el poder judicial hasta que nun lo conoza nin la madre que lu parió.
más
Eduardo Galguera: «Llanes nun pue saniar les cuentes a costa de cuatro aldees»

MEDIU AMBIENTE

Eduardo Galguera: «Llanes nun pue saniar les cuentes a costa de cuatro aldees»

L'asociación «La Fuengrande», qu'axunta  a vecinos de los llugares llaniscos de Soberrón, La Galguera, Puertas de Vidiagu y San Roque del Acebal, ta movilizánse en contra d'un proyectu que'l Ministeriu de Fomentu quier impulsar na parroquia -proyectu consistente na construcción de nueve macropontes que salven la vía- y que yá tien el preste del equipu de gobiernu del Conceyu de Llanes. Eduardo Galguera, presidente de l'Asociación, insiste en qu'ente los vecinos existe un rechazu xeneral a estes macropontes y consideraque «son factibles» otres midíes menos agresives col paisaxe. «La seguridá, que toos queremos, nun pasa per estrozar aldees», declara.
más

COMUNICACIONES

Iberia y Spanair cancelen cuatro vuelos ente Asturies y Madrid

Les compañíes aérees Spanair y Iberia cancelaron güei cuatro vuelos ente l'aeropuertu de Ranón y Barajas. Nel casu de Spanair alegaron problemes na «rotación de la plantilla» mentes que la empresa Iberia argumentó que nun disponía d'aviones pa cubrir esta llinia.
más

OPINIÓN. FRANCISCO ALBA

Volver a Balmonte

A partir de La Ponte Samartín en dirección al puertu Somiedu el control de la Providencia extínguese (toi plaxando a Kipling, que los dioses me perdonen). L'alegre excursionista nun sabe en qué terrible territoriu penetra, atraviesa esa llende fatal cola intención de pasar una agradable xornada de montaña y mira'l paisaxe como si Rousseau-y ruxera al escuchu lo bella que ye la naturaleza.
más
Pablo Prieto: «Preocúpennos munches coses, empezamos poles sociales»

POLÍTICA

Pablo Prieto: «Preocúpennos munches coses, empezamos poles sociales»

Izquierda Xunida d'Asturies invitó al Gobiernu d'Asturies, al través d'un comunicáu, «a abandonar l'optimismu y l'autocomplacencia pa centrase nos problemes de los trabayadores». Yá metíos pel riegu del diálogu, la coalición d'esquierdes reclama que nel prósimu presupuestu l'equipu de Vicente Álvarez Areces incluya polítiques actives d'empléu, suplima les rebaxes ficales y les ayudes indiscriminaes. «Nos últimos tiempos el Gobiernu va pel camín de la política económica de la derecha: ye urxente poner fin n'Asturies a la política de rebaxes fiscales y barra llibre d'ayudes, midides impropies d'un gobiernu progresista y que suponen una auténtica irresponsabilidá en tiempos de crisis», aseguren. Falamos de toos estos temes, que suponen los primeros pasos d'un diálogu que se va producir en setiembre, con Pablo Prieto, secretariu de comunicación de la Comisión Executiva d'IX d'Asturies.
más
La Mula Torda presenta'l «Tributu a Nuberu»

CULTURA

La Mula Torda presenta'l «Tributu a Nuberu»

El nuevu sellu discográficu La Mula Torda presentó güei 20 d'agostu nos locales de la SGAE d'Uviéu un pack de dos cedés y un dvd que recueyen, amás d'otros materiales, el Tributu a Nuberu que'l 20 d'ochobre del 2007 l'asociación Xaréu d'Ochobre y el Conceyu de Cangues d'Onís entamaron n'homenaxe al míticu grupu de la canción protesta asturiana.
más
Sánchez Ramos («Rivi»): «A Gabino de Lorenzo igual-y tocó la lotería»

POLÍTICA

Sánchez Ramos («Rivi»): «A Gabino de Lorenzo igual-y tocó la lotería»

Los branos, especialmente'l mes d'agostu, suelen ser informativamente un terrén ermu pa la política onde nacen, paradóxicamente, culuebres de branu que suelen desaparecer cola seronda entrada. Los conceyos de Xixón y d'Uviéu viven la so particular griesca ente gobiernu local y oposición, nuna estratexa de desgaste mutuu. Nel casu d'Uviéu, el grupu socialista na oposición esixó nun plenu a Gabino de Lorenzo, alcalde de la ciudá, qu'aclarara'l so patrimoniu, yá que na declaración de bienes que fixera nun aparecía la Yeguada Picos de Europa, que supuestamente yera de so. Ello provocó un regueru de descalificaciones mutues, mui enceses y elevaes de tonu, de manera que'l ruíu tapó l'escándalu. Más seyellosu, l'equipu de l'Asamblea de Ciudadanos por la Izquierda (ASCIZ) presentó énte la Fiscalía Anti-Corrupción y la Inspección d'Hacienda un informe nel que solicitaben la so intervención. Falamos col so portavoz. Roberto Sánchez Ramos «Rivi», d'esta circunstancia.
más
Xosepe Vega publica «Epífora y outros rellatos»

ALLÓ DEL CORDAL

Xosepe Vega publica «Epífora y outros rellatos»

La editorial estorgana Llibros Filandón, na sua colección «Cuéndiga de pallabras», ta acabante publicar la primer entrega narrativa del escritor llionés Xosepe Vega, una colección de cuentos titulada «Epífora y outros rellatos».
más
Feísmu

INACIU LLOPE. OPINIÓN

Feísmu

Foi la fealdá recursu estéticu d'artistes a lo llargo de los sieglos, usando lo grotesco, la llocura y lo deforme como elementos valoratibles pa la creación artística.
más
La organización cifra en 20.000 el númberu de persones que visitaron Tapia cola sida del Festival

CULTURA

La organización cifra en 20.000 el númberu de persones que visitaron Tapia cola sida del Festival

El Festival Intercélticu d'Occidente clausuró yá la so XII edición con un balance más que positivu. El director de Fido, Martín F. Cascudo, indicó que «consiguimos que'l Festival pase de ser una referencia local a ser un referente nel panorama nacional». Puntualiza Cascudo que "l'eleváu nivel de los grupos y el prestixu qu'aportó la Escuela Internacional de Música Folk foron los artífices d'esi reblagu cualitativu. Llogremos que'l Festival sía un puntu de referencia na música folk d'Europa».
más
Fernando Ornosa: «El PSOE y el PP nun pueden eludir que l'asturianu ye una llingua»

DERECHOS CIVILES

Fernando Ornosa: «El PSOE y el PP nun pueden eludir que l'asturianu ye una llingua»

El CAO sigue colos sos trabayos de reivindicación, que tienen por oxetivu que la oficialidá de la llingua asturiana apareza recoyida nel nuevu Estatutu d'Autonomía. Decepcionaos cola «reculada del PP», repróchen-y a los dos partíos mayoritarios una redacción «que nun recueye'l sentir y la opinión de munchos asturianos». Fernando Ornosa, portavoz d'esta plataforma qu'axunta a mui bien dellos partíos políticos, sindicatos, asociaciones culturales y sociales, redefine nesta entrevista l'escenariu y llama a la movilización de «tolos que quieren ver garantizada la sobrevivencia de la llingua asturiana».
más
IX critica a Pilar Rodríguez

POLÍTICA

IX critica a Pilar Rodríguez

Izquierda Xunida d'Asturies ta acabante considerar, al través d'un comunicáu, un «grave error» que la conseyera de Bienestar Social, Pilar Rodríguez, mantenga la política de privatización de los servicios sociales. «Amás d'aplicar polítiques de derecha, tamién constitúi una declaración d'intenciones cola que'l propiu Gobiernu d'Asturies parez empeñáu en sotablar la ufierta de diálogu qu'insistentemente realizó la dirección del so partíu».
más
Martín Cascudo: «El FIDO ofrez un gran cartel»

ENTAMA'L FIDO DE TAPIA

Martín Cascudo: «El FIDO ofrez un gran cartel»

El miércoles 13 d'agostu inaugúrase'l XII Festival Intercélticu d'Occidente (FIDO), un festival yá plenamente integráu na programación braniega asturiana  y que se celebra, ente los díes 13 y 18, na villa de Tapia.El FIDO cuenta anguaño colos catalanes Keympa, l'escocés Fred Morrison, los irlandeses Craobh Rua, los ingleses Flook y los gallegos Xerfa. Asturies ta espléndidamente representada, ente munchos otros, por Darbuka, Gomeru y el maestru gaiteru Xuacu Amieva. Talleres, exposiciones, xuegos tradicionales, cursos d'instrumentos musicales tradicionales y proyecciones completen una gran programación. Falamos con Martín Cascudo, director del Festival, de les singularidaes del FIDO, una institución cultural que mueve a toos y caún de los tapiegos.
más
Asturies ye la sétima comunidá con menor tasa de paru xuvenil

ESTADÍSTICA

Asturies ye la sétima comunidá con menor tasa de paru xuvenil

Asturies ye la sétima comunidá con menor tasa de paru xuvenil del Estáu en rexistrando un 21,16 por cientu de desempléu ente los menores de 25 años y superar en más de dos puntos la media estatal (23,89 por cientu). Esto ye polo menos lo que reflexa l'Institutu Nacional d'Estadística nos datos de la Encuesta de la Población Activa (EPA) correspondiente al segundu trimestre.
más
El PP anima a Areces a liderar el debate de la financiación

POLÍTICA

El PP anima a Areces a liderar el debate de la financiación

El portavoz económicu del PP nel Congresu, Cristóbal Montoro, encamentó al presidente del Gobiernu asturianu, Vicente Álvarez Areces, a liderar dientro del PSOE'l debate de la financiación autonómica. Esti llamamientu failu'l PP de la que constata los apuros pelos que diba pasar el Gobiernu d'España en nun consiguiendo l'apoyu pa los prósimos presupuestos de los socialialistes catalanes (PSC) y los nacionalistes de Convergencia i Unió.
más
Rafa Palacios: «Tamos dispuestos a negociar polítiques d'esquierda»

POLÍTICA

Rafa Palacios: «Tamos dispuestos a negociar polítiques d'esquierda»

La dirección nacional d'IX ta dispuesta a garantizar la estabilidá del Gobiernu de Vicente Álvarez Areces «siempre y cuando desenvuelva polítiques d'esquierda». Nel Bloque por Asturies, organización de los nacionalistes d'esquierda, fai un análisis asemeyáu, anque entrando n'otros detalles. Pa Rafa Palacios, portavoz de la organización al qu'entrevistamos, opina que la llamada del PSOE «ye un reconocimientu de la so incapacidá pa gobernar en solitario».
más
Tapia vístese de celta

CULTURA

Tapia vístese de celta

El miércoles 13 d'agostu inaugúrase'l XII Festival Intercélticu de Tapia, un festival yá plenamente integráu na programación braniega asturiana y qu'esti añu cuenta colos catalanes Keympa, l'escocés Fred Morrison, los irlandeses Craobh Rua, los ingleses Flook y los gallegos Xerfa. Asturies ta anguaño representada, ente munchos otros, por Darbuka, Gomeru y el maestru gaiteru Xuacu Amieva. Talleres, exposiciones, xuegos tradicionales, cursos d'instrumentos musicales tradicionales y proyecciones completen una programación que fain de Tapia, ente los díes 13 y 18 d'agostu, la capital cultural d'Asturies.
más
Asturies, país oficial

XUNE ELIPE. CRÓNIQUES D'AN ORIANT

Asturies, país oficial

Dende hai yá una bona montonera d'años el nuestru país ye ún más, con tolos derechos, de los que tán dientro de la organización del Festival Interceltique, consideráu'l mayor d'Europa (y quiciaves del mundu) d'estes característiques. Y la verdá, qu'al llau de dalgo que tenga que ver con Asturies apaeza la palabra «oficial» fáise raro, mui raro, pero al empar bien prestoso. Supongo que será pola falta de vezu, eso de ver la nuestra bandera nos edificios del staff del festival, les cais engalanaes con ella (xunto a les otres), que la xente sepa au tamos asitiaos nel mapa, que nos altavoces que dan ambiente musical suenen los grupos asturianos, que (cuando-y toca) dediquen el Festival a la nuestra tierra...
más
Valledor: «Les declaraciones de Buendía sobre IX y El Musel son como les del

POLÍTICA

Valledor: «Les declaraciones de Buendía sobre IX y El Musel son como les del "Pocero de Seseña».

Pal diputáu d'IX-Bloque-LV tol asuntu d'El Musel ye mui simple: «Queremos la máxima tresparencia nes obres d'El Musel, queremos seriedá y trabayu al serviciu de los asturianos». L'ex conseyeru de Xusticia insistió en que «la xente sabe que la tresparencia y la verdá nun ponen en peligru la obra» y que «la incompetencia y la presunta falsedá de los responsables de l'ampliación ye lo que truxo los sobrecostes y los robos. Xestionóse la obra como una orxía hasta que la UE, a raíz de la denuncia de Los Verdes, mandó parar».
más
L'Executivu d'Areces insiste na ampliación d'El Musel y critica a IX poles denuncies

POLÍTICA

L'Executivu d'Areces insiste na ampliación d'El Musel y critica a IX poles denuncies

Mentes la FSA cortexa ensin disimulu a IX, el Gobiernu d'Asturies insiste en marcar distancies. Asina, l'Executivu de Vicente Álvarez Areces cargó ayeri contra los sos antiguos socios de Gobiernu, IX-Bloque-LV, pola denuncia que la coalición de la esquierda alternativa presentó énte la Unión Europea y que paralizó l'ampliación de subvenciones comunitaries a la obra d'El Musel.
más
Cymru en Breizh

XUNE ELIPE. CRÓNIQUES D'AN ORIANT

Cymru en Breizh

Tolos años el Festival Interceltique ta dedicáu especialmente a ún de los ocho países integraos na so organización, ello conlleva una mayor presencia de los sos representantes nesti alcuentru (músicos, artistes, personalidaes...) en tolos actos equí programaos. Esti 2008 ye l'añu de Gales y, como comentamos, munches de les actividaes xiren alredor d'él.
más
Aréstegui: « Nun entiendo cómo dalquién puede cuidar qu'un mesmu documentu valga pa IX y pal PP»

POLÍTICA

Aréstegui: « Nun entiendo cómo dalquién puede cuidar qu'un mesmu documentu valga pa IX y pal PP»

El Gobiernu d'Asturies anunció güei que va «ufrir diálogu sinceru» a Izquierda Xunida pa pautar los presupuestos del próximu añu. Nesti sen, l'Executivu va apelar a la «responsabilidá» de los partíos de la oposición p'aprobar les cuentes coles qu'afrontar una crisis económica frauguada nel sector de la construcción. Los socialistes del Gobiernu son conscientes de la «dificultá» de llegar a alcuerdos con IX y nun piesllen la puerta, anque son conscientes del desgaste que diba poder xenera-yos, al PP. Falamos con Joaquín Aréstegui, portavoz del PP na Xunta Xeneral del Principáu, sobre esti asuntu.
más
Breizh dieub-Bretaña llibre

XUNE ELIPE. CRÓNIQUES D'AN ORIANT

Breizh dieub-Bretaña llibre

Comentaba esti día lo prestoso de venir de nuevo a Bretaña y alcontrase con qu'una de les sos llingües, la d'orixe célticu, el bretón, ta llogrando una visibilidá y una presencia na sociedá realmente bultable. L'otru idioma propiu del país, el galó, de calter llatinu, según me cuenten nun tien un desarrollu tan grande. Fálase ésti últimu nuna zona llendada al noroeste de la tamién llamada Península Armoricana, sicasí pudimos ver della señalización y cartelería nél, amás de propaganda d'actos y eventos (conciertos, manifestaciones...) en trillingüe (breton, galó y francés).
más

POLÍTICA

Aurelio Martín condiciona l'apoyu a los presupuestos a les polítiques sociales

Aurelio Martín, diputáu d'IX-Bloque-LV na Xunta Xeneral, señaló güei que la profundización en polítiques sociales y medioambientales diben poder condicionar l'apoyu de la coalición a los presupuestos. Amás, la coalición d'esquierdes diba ver bien «que s'evitaran regalos fiscales como la supresión del impuestu de sucesiones y donaciones».
más
Brezhoneg per dayuri

XUNE ELIPE. CRÓNIQUES D'AN ORIANT

Brezhoneg per dayuri

Nuna de les ediciones pasaes del Festival Intercélticu a les que vini, hai yá unos años, tuvi la oportunidá d'asistir a una manifestación convocada por delles organizaciones de defensa de la llingua bretona ("brezhoneg" en bretón) pa desixir una mayor presencia d'ella nesti eventu músico-cultural y na sociedá en xeneral.
más
Ámbitu inaugura na Tienda de la Llaboral «amasuña, manosea, handle»

CULTURA

Ámbitu inaugura na Tienda de la Llaboral «amasuña, manosea, handle»

Tolos díes d'agostu y setiembre, de 10:00 hores a 21:00 hores, na Tienda Llaboral Ciudá de la Cultura, los visitantes van poder ver una prestosa exposición titulada «amasuña manosea handle». Nella, demandando la complicidá del espectador, van poder vese los meyores trabayos de diseñu gráficu, editorial, audiovisual y discográficu de la empresa Publicaciones Ámbitu, que ta acabante facer doce años de andadura.
más
Los bolivianos van poder recibir clases universitaries nes llingües indíxenes

INTERNACIONAL

Los bolivianos van poder recibir clases universitaries nes llingües indíxenes

Warisata, Cochabamba y Santa Cruz. Estes ciudaes del altiplanu andín, referentes del mundu indíxena, van ser los sitios qu'acueyan les tres primeres universidaes nes que les clases van impartise na llingua ancestral de los sos pobladores. L'oxetivu ye rescatar el llegáu d'estes cultures, al tiempu que se pretende «descolonizar el país ideolóxica y culturalmente», según palabres del presidente Evo Morales.
más

POLÍTICA

Unidá esixe la dimisión de Crego y Muñiz

La formación política Unidá Nacionalista Asturiana (UNA) esixó güei al través d'un comunicáu la inmediata dimisión de los conceyales del PP de Xixón, Pedro Muñiz y Luis Crego, depués de que pasaran dalgunos díes dende la publicación d'una grabación sonora onde los conceyales mentaos afirmaben que l'interés del so grupu políticu municipal yera ganar les elecciones y non el bienestar de los ciudadanos.
más
Ana Rosa Migoya:«Hai disposición pal alcuerdu, pero la nuestra obligación ye gobernar»

ESTA SELMANA NA EDICIÓN IMPRESA DE LES NOTICIES

Ana Rosa Migoya:«Hai disposición pal alcuerdu, pero la nuestra obligación ye gobernar»

L'Executivu encara con tranquilidá'l cursu políticu que vien. Esa ye la impresión que se saca de les palabres de la portavoz del Gobiernu, Ana Rosa Migoya, qu'asegura qu'esti añu amosóse qu'«ensin mayoría absoluta tamién se pueden dar respuestes y iguar los problemes». Con too y con eso, nesta entrevista -que nun pudo ser presencial por «problemes d'axenda»- Migoya abre les puertes a un gobiernu de coalición.
más
Celtismu mestizu

XUNE ELIPE. CRÓNIQUES D'AN ORIANT

Celtismu mestizu

Cuando vini por primer vez, siendo un rapazetu recién entráu na ventena, al Festival Interceltique, al Emvod Ar Gelted («El Conceyu de los Celtes») nun imaxinaba, nin de lloñe, que munchos años depués volvería como «unviáu especial» d'un periódicu selmanal (na so versión dixital) como LES NOTICIES, escritu dafechu na nuestra llingua. Daquella posibilidá tala de qu'esistiere dalgo asemeyao nin s'acolumbraba nes mentes asturianiegues más optimistes. Y ye que los tiempos, anque nos paeza que non somorguiaos como tamos nel «fragor de la batalla», tán cambiando dende hai tiempu pal nuestru vieyu idioma. Los que por desgracia nun cambien siguen siendo los mesmos que tienen nes sos manes bona parte del so futuru. Pero eso ye otru cantar...
más
Emilio Noval descubre unes grabaciones comprometedores pal PP xixonés

POLÍTICA

Emilio Noval descubre unes grabaciones comprometedores pal PP xixonés

"¿Pero nos conviene a nosotros políticamente que el balneario salga, que el Muro sea una referencia nacional y que Gijón sea el culmen de la limpieza en toda Europa y nos den la escoba ésta de platino? Pues evidentemente, no". Son palabres de Luis Crego, conceyal del PP en Xixón, que profirió nuna reunión interna del so partíu.
más
José Manuel Martínez:

POLÍTICA

José Manuel Martínez: "Parezme inxustu que me tachen de tránsfuga"

José Manuel Martínez salió escoyíu conceyal por IX-Bloque-LV, xunto a otros dos ediles de la coalición. Sorpresivamente, recibió los votos del PP que lu confirmaron como alcalde relegando al PSOE, y a José Manuel Cuervo, a la oposición. Alega que foron razones étiques les que lu impulsaron a dar esti pasu, del que nun s'arrepiente, y ta enfotáu en que Izquierda Xunida archive l'expediente que-y tienen abierto d'expulsión.
más
Adriana Lastra:

POLÍTICA

Adriana Lastra: "IX tien qu'aceptar que somos mayoría"

Adriana Lastra, diputada socialista, renueva'l so puestu na Executiva de la FSA con nuevos oxetivos, yá que se va tener les riendes de la coordinación de la política local. Falamos con ella de les característiques d'esta nueva Executiva, que rescampla pola mocedá de munchos de los sos componentes, y del ofrecimientu de diálogu que Javier Fernández participó a IX-Bloque por Asturies-LV.
más
Jesús Iglesias: «Yá hai un gobiernu de coalición n'Asturies: Areces, Constructores y Cía»

POLÍTICA

Jesús Iglesias: «Yá hai un gobiernu de coalición n'Asturies: Areces, Constructores y Cía»

La FSA parez querer realmente establecer dalgún pautu o alcuerdu cola coalición d'esquierdes IX-Bloque por Asturies-LV. Entrín y non se van incrementando les llamaes a la responsabilidá dende la FSA, los gabinetes d'información del Gobiernu d'Areces insisten en que nun van cambiar una coma de les sos polítiques. IX, que nun se ciarra al alcuerdu, velu con too y con eso «inviable» en cuanto nun cambie'l carís del gobiernu («Un gobiernu estable, col apoyu del PP», diz Iglesias) y polítiques determinantes como les sociales y les de vivienda.
más
El PSOE propón un estatus pal asturianu calcáu al vixente

DESCARTADA LA OFICIALIDÁ

El PSOE propón un estatus pal asturianu calcáu al vixente

El PSOE certificó nel últimu conceyu d'esta selmana de la ponencia pa la reforma estatutaria la so intención de siguir condenando a la llingua asturianu a un estatus d'inferioridá, al presentar una propuesta de redacción del artículu 4 na que la única novedá ye que desaparez la denominación de «bable» pa la llingua y reconócense l'asturianu y el gallego-asturianu «nes sos diverses variantes locales» como un «patrimoniu llingüísticu del Principáu d'Asturies» y como «un valor social de respetu, conviviencia y entendimientu».
más
El PP refuga la propuesta del CAO pa reconocer la oficialidá del asturianu

DEBATE ESTATUTARIU

El PP refuga la propuesta del CAO pa reconocer la oficialidá del asturianu

Según informa Europa Press, Joaquín Aréstegui, diputáu del Partíu Popular na Xunta Xeneral, afirmó que'l so partíu nun va asumir «de manera nenguna» la propuesta d'oficialidá del asturianu que-yos presentó'l Conceyu Abiertu pola Oficialidá. Aréstegui comprometióse colos representantes del CAO a comunicar la propuesta del colectivu al presidente del partíu, Ovidio Sánchez, anque depués del conceyu dexó claro que «nós nun somos partidarios de la cooficialidá, nin de la oficialidá del asturianu y, poro, esi testu nun lu vamos asumir de nenguna manera».
más
Yá puedes ver el videu clip del cantar de La Bandina «A la vera de Borín»

MÚSICA

Yá puedes ver el videu clip del cantar de La Bandina «A la vera de Borín»

Les Noticies y Ámbitu ofrecen n'esclusiva a los sos llectores el videu «A la vera de Borín», el primer clip del discu nuevu de La Bandina: «13». La pieza ta dirixida por Javier Lueje, que yá fixere con La Bandina'l videu «Na caleya». Lueje ye tamién responsable del guión y la realización del videu, que ta rodáu nel mercáu de Xixón, al pie del Molinón.
más
El CAO presenta a los grupos parlamentarios la so propuesta de redacción del artículu IV del Estatutu

OFICIALIDÁ

El CAO presenta a los grupos parlamentarios la so propuesta de redacción del artículu IV del Estatutu

El Conceyu Abiertu Pola Oficialidá (CAO) va xuntase colos grupos políticos de la Xunta Xeneral pa entrega-yos la so propuesta de redacción del artículu IV del Estatutu d'Autonomía, sobre l'estatus del asturianu. El CAO, que presentó'l llunes 7 a la sociedá la so propuesta, propón que l'Estatutu reconoza la oficialidá de les tres llingües que se falen na Comunidá Autónoma: l'asturianu, el gallego-asturianu y el castellán.
más
La Coordinadora Ecoloxista denuncia la instalación d'una central de ciclu combináu n'El Musel

MEDIU AMBIENTE

La Coordinadora Ecoloxista denuncia la instalación d'una central de ciclu combináu n'El Musel

La Coordinadora Ecoloxista d'Asturies informó de que esti vienres, 4 de xunetu, empezó la tramitación preliminar del Estudiu d'Impactu Ambiental pa la construcción d'una central de ciclu combináu de 865 MW nel Musel promovida por HC Energía. Esta central xuntaríase a la yá proyectada por Endesa pal puertu xixonés, de potencia asemeyada, y a les otres ocho previstes en toa Asturies.
más
El guah.e Villa tamién da la cara pola oficialidá

CAMPAÑA CAO

El guah.e Villa tamién da la cara pola oficialidá

David Villa, «El Guah.e», acaba de retratase col cartel «Yo doi la cara pola oficialidá» namás posar el pie n'Asturies de vuelta de la Eurocopa. El retratu de David Villa va colgase na páxina web de la campaña (www.doilacara.net) nes próximes hores, porque tovía hai cientos de semeyes que tamién tán na cuenta de corréu y que tán siendo alministraes pola organización de la web.
más

LLUÍS DE YZAGUIRRE I MAURA*

Carta abierta a los parlamentarios asturianos

Ilustrísimes parlamentaries y ilustrísimos parlamentarios de la Xunta Xeneral del Principáu d'Asturies: Nestos momentos, nos que tán en mediu l'alderique sobre la reforma'l so estatutu y tienen duldes o diferencies en cuantes al estatus de la llingua asturiana, paecióme que la opinión d'un llingüista catalán interesáu nos drechos llingüísticos-yos podía interesar. Poro, fáigo-yos llegar esta carta abierta col enfotu de que sirva pa dalgo.
más

ESTA SELMANA NA EDICIÓN IMPRESA

Nuberu: «Nuberu ye un sentimientu compartíu por tolos asturianos»

Colombia, un estáu mafiosu

Inaciu Iglesias: «Hai una excesiva dependencia de les perres públiques na clase empresarial»

L'asigntura d'Asturianu va siguir siendo optativa nel currículu de Bachilleratu

Fernández Liria: «Cambióse Filosofía por un Barrio Sésamo a favor de la Constitución»

EDITORIAL. Cambios nel empiezu de cursu

REACCIONES ÉNTE'L NON A LA OFICIALIDÁ

Leopoldo Tolivar: «Si'l PP mantuviere otra actitú, yera fácil que ficiere movese al PSOE»

José Manuel Pérez: «Nun parez razonable facer, de la excepción, norma»

Rafael Palacios: «A partir d'equí ábrese otru tipu d'escenariu»

Hugo Morán: «L'apoyu del PP ye muestra de que la propuesta suscita un consensu ampliu »

L'Asociación Cultural Xeira diz que PSOE y PP «condenen a muerte nel Estatutu'l patrimoniu llingüísticu asturianu».

El CAO diz que PSOE y PP roblen un alcuerdu pa llevar a l'asturianu a la so desaparición

La XDLLA diz que'l PSOE y el PP «punxéronse d'alcuerdu p'acabar cola llingua asturiana»

Cándano: «La FSA va pasar a la historia como la enterradora d'una llingua románica de la Península Ibérica»

Unidá califica d'«insultu a los asturianos» l'alcuerdu ente'l PSOE y el PP sobre la llingua

Valledor: «Esta ye la última gota d'un Estatutu amañáu ente'l PSOE y el PP»

Jordi Llavina: «la negación de la oficialidá ye propio de paletos faltos de llectura y mundu»

Gómez Ojea: «El que nunos sitios haya llingües oficiales y n'otros non ye dalgo increíble»

  • Imprentar
  • unviar
  • opina
  • encuestes

icono RSSRSS

Esta web cuenta con una subvención de la Conseyería de Cultura, Comunicación Social y Turismu del Principáu d'Asturies - Créditos

© Selmanariu LES NOTICIES y PUBLICACIONES ÁMBITU - Cai San Xuan 5, 3u derecha - 33003 - Uviéu - Tel. 985 204 601 - Fax. 985 221 537 - Avisu Llegal